µP பதிப்பிக்கப்பட்ட மூளை சொல்லும் போன ஜென்மத்துக் கதைகள்

நேற்று நிகழ்ந்தது போல இருக்கிறது எனத் துவங்கும் உரையாடல்களைத் தொகுத்துக் கொண்டிருக்கிறான் பாதங்கள் சுவடுகளைப் பிரியும் பொழுதுகளின் மென்வலி உணராது

அனைத்து காதுகளையும் நான் வணங்குகிறேன் என்ற வாக்கியம் சிறுகதையாகாது என வாதிட்டுப் பாருங்கள் முடிந்தால் என்னிடம்

காதல் உங்களுக்கு உங்கள் virtual memoryஇல் சேமிக்கப்பட்டிருக்கிறது என்ற உண்மை நீங்கள் சொல்லித் தான் எனக்குத் தெரிந்தது. அது தான் உண்மை என்று நீங்களே சொன்னதாலும் அது உங்களைப் பற்றியதாலும் எனக்கு நம்புவதைத் தவிர வேறு வழியில்லை.

Metamorphosis என்ற சொல்லின் தமிழாக்கமே ஒரு metamorphosis என்கிறான் அவன். அவனை என்ன செய்யலாம்.

காமம் ஒரு குற்றம்தான். அந்தத் தவறைச் செய்யுங்கள். ‘தப்புப் பண்ணுனா சாமி வந்து கண்ணக் குத்தும்’. குத்தட்டும். ரெண்டு கண்ணையும் குத்தட்டும்.அப்போது தான் நம் மூன்றாவது கண் திறக்கும். என்ன சொல்கிறீர்கள்.

அதோ அங்கே நிர்வாணமாகத் திரியும் அந்தப் பைத்தியக்காரப் பிச்சைக்காரனின் சரித்திரம் தெரியுமா உனக்கு என்று கேட்டான். அவசரமாக ஓடிப்போய் கண்ணாடியில் என்னைப் பார்த்தேன். வெட்கமாக இருந்தது. உடனே உடுத்திக் கொண்டு நிம்மதியானேன் என் சரித்திரம் மறந்து. தீடீரென்று, கேட்டவன் தலைக்குப் பின் ஒளிவட்டம் தோன்ற சட்டென்று ஓடிப்போய் சூரியனில் குதித்து ஆவியானேன்.

காதலுக்கும் இதயத்திற்கும் என்ன சம்மந்தம் எனக் கேட்கும் அறிவாளிகளுக்கு ஜென் சொல்லும் பதில் தான் எனக்கு திருப்தி அளிக்கிறது. உங்களுக்கு எப்படியோ.

சாகடிக்க

செத்துப் போனவன் மீண்டும் வருவான் செத்துப்போக.

நாளை வேறு நாள் என்ற தலைப்பில் அவன் எழுதிக் கொண்டிருக்கும் எதிர் புனைவு யாருக்கும் எதற்கும் எதிரானது அல்ல